Mübadele Taahhütnamesi

Mübadele Taahhütnamesi

Metin aşağıdaki gibi olup fotoğrafı görülen ürün gönderilecektir:

Romanya’nın Sanglıca(?) kazasının Azablar mahallesi ahâlîsinden olduğum halde Türkiye Hükümetine olan merbutiyet-i kalbiyem sevkiyle memleket-i asliyemden hicret kasdıyla kat’-ı alaka ederek efrâd-ı ailemden yalnız nüfus ile birlikte 341 sene-i maliyesi zarfında Türkiye’ye hicret eylediğimizi ve tarih-i mezkûreden mukaddem Türkiye memâlikine gelerek sicillât-ı nüfusiyeye kayıt ve tescil olunmadığımızı Türkiye toprağına ayak bastığımız dakikadan itibaren zîr-i câh-ı saltanat-ı milliyeye iltica ederek katiyen ve fiilen tabiiyet-i Türkiye’yi kabul eyleyerek hiçbir veçhile tabiiyet-i ecnebiye iddiasında bulunmayacağımızı ve sefaret ve konsolatolarına müracaat etmeyeceğimizi ve bademâ dahi her gûna Türkiye Cumhuriyetinin kavânîn ve nizamâtına harfiyen itaatten ve saltanat-ı milliyeye sadakât-ı tammeden asla inhirâf etmeyeceğimizi ve her ne suretle olursa olsun tabiiyet-i ecnebiye iddiasında bulunmayacağımızı ve şayet böyle bir iddiada veya ecnebî sefaret ve konsolatolarınca kebîr ve sagîr herhangi birimizin himayesine kıyâm edilecek olursa memâlik-i Türkiye’den tard ve teb’idimize ve hakkımızda ıskat-ı tabiiyet muamelesinin hemen tatbikine ve razı olacağımızı telsîk ve tescilim hakkındaki istidânamemle merbutu olan mumzâ izâhât cedveli münderecâtı tamamen muvâfık-ı hakikat olup şayet münderecâtından kısmen veya külliyen hilâf-ı hakikat olduğu her ne zaman olursa olsun tebyîn ettiği takdirde lâzım gelen mesuliyeti kabul ve her gûna mücâzât-ı kanuniyeye müstahak olacağımızı ve makâmât-ı resmiyeye tervic-i maksat için beyânât-ı kâzibede bulunanlar hakkındaki mevâdd-ı kanuniyede musarrah en ağır ceza ile dahi tecziyeye razı olacağımızı ve hükümetten hakk-ı iskân ve sair bir gûna muâvenet talep etmeyeceğimizi mübeyyin işbu taahhüd senedimizle istidânâmemiz taraf-ı hükümetten vukû’ bulan talep üzerine ben ve efrâd-ı ailem imza ve tahtîm ederek Türkiye Cumhuriyeti hükümetine takdim ederiz.